बेलायतपछि मलेसिया र जापानले नेपाललाई 'रेड जोन'मा राख्ने संकेत, चार्टर उडानमार्फत मात्र आवतजावत

बेलायतपछि मलेसिया र जापानले नेपाललाई 'रेड जोन'मा राख्ने संकेत, चार्टर उडानमार्फत मात्र आवतजावत

A+ A A-

नयाँ ‘भेरियन्ट’को कोरोना भाइरसको संक्रमण तीव्र रूपमा फैलिएसँगै बेलायतले नेपाललाई गत शुक्रबारदेखि ‘रेड जोन’ सूचीमा राखेको छ ।

बेलायती यातायात मन्त्री म्याट ह्यानककले पत्रकार सम्मेलन गरी बेलायतले शुक्रबार नेपालसहित टर्की र माल्दिभ्सलाई रेड जोनमा राखेको जानकारी गराएका छन् ।

रेड जोनमा परेपछि नेपालीहरू तत्काल बेलायत जान पाउने छैनन् । अन्तर्राष्ट्रिय उडानसमेत बन्द भएको छ । बेलायतले अन्तर्राष्ट्रिय उडान रोकेपछि टिकट लिएका १ हजरभन्दा बढी नेपाली रोकिएका छन् ।

बेलायतमा करिब १ लाख ५० हजार नेपाली रहेको सरकारी अनुमान छ । अर्को सूचना जारी नभएसम्म नेपाल फर्किने तयारीमा रहेका नेपालीहरू उतै रोकिएका छन् ।

बेलायतको ‘रेड लिस्ट’ मा नेपालसहित ४५ देश समावेश छन् । यी सबै देशसँगको अन्तर्राष्ट्रिय उडान समेत बन्द गरिएको छ । बेलायत सरकारले अन्तर्राष्ट्रिय यात्राको लागि ट्राफिक लाइट प्रणालीका अनुसार देशहरूलाई ग्रिन, इम्बर र रेड लिस्टमा वर्गीकृत गरेको गरेको छ ।

बेलायतपछि जापान र मलेसियाले पनि नेपाललाई कोरोना भाइरसको संक्रमणको उच्च निगरानीमा राखेको छ । नेपालमा कोरोना भाइरसको संक्रमण फैलिदै गएपछि मलेसिया र जापानले समेत रेड जोनमा राख्ने संकेत गरेका छन् ।

मलेसिया

कोरोनाको उच्च जोखिममा परेका कारण मलेसियाले बंगलादेश, श्रीलंका र पाकिस्तानसँगै नेपालीहरूलाई कुनै पनि बेला प्रवेश निषेध गर्ने सभ्भावना देखिएको छ ।

नेपालमा दैनिक ८ हजारभन्दा धेरै कोरोना संक्रमित थपिएका छन् भने दैनिक ५० भन्दा बढीको मृत्यु भइरहेको छ ।

मलेसियाका वरिष्ठ मन्त्री दातो सेरी इस्माइल साब्री याकोबले नेपाललाई केही समयका लागि यात्रा प्रतिबन्ध लगाउने बताएका छन् । नेपालमा कोरोना भाइरस फैलिएकको आधारममा उक्त प्रतिबन्ध छिट्टै लागु हुनसक्ने संकेत उनले गरेका छन् ।

मलेसियाले भारतीय नागरिकलाई यसअघि नै भ्रमण प्रतिबन्ध लगाइसकेको छ । हाल मलेसियामा ५ लाखभन्दा धेरै नेपाली कार्यरत छन् । मलेसियाबाट दैनिक २ सयभन्दा धेरै नेपाली स्वदेश फर्किने गरेका छन् ।

जापान

नयाँ भेरियन्टको कोरोना भाइरसको संक्रमण फैलिन थालेपछि जापानले नेपालसहित पाकिस्तान र भारतीय नागरिकलाई प्रवेशाज्ञामा कडाइ गरेको छ । कोरोना फैलिएसँगै जापानले नेपालीहरूलाई अघिल्लो सातादेखि नै प्रवेशमा कडाइ गर्न थालेको छ ।

जापानको विदेश मन्त्रालयले नेपालमा कोरोना भाइरसको संक्रमण तीव्र गतिमा फैलिएसँगै रेड जोनमा राख्ने संकेत समेत गरेको छ । हाल जापान जाने नेपालीहरूले जापान प्रवेश गरेको ६ दिन सरकारले तोकेको स्थानमा क्वारेन्टाइन बस्नु पर्नेछ ।

जापानले अघिल्लो सातादेखि १४ दिनको क्वारेन्टाइनबाहेक अतिरिक्त नियम लागू गरेको छ । यो नियममा नेपाल र पाकिस्तानलाई समेत सूचित गरिएको छ ।

हाल जापानमा ९० हजारभन्दा धेरै नेपाली रहेको परराष्ट्र मन्त्रालयको अनुमान छ । जापानबाट हरेक साता ३ सयभन्दा धेरै नेपाली स्वदेश फर्किने गरेका छन् ।

दक्षिण एसियाली देशमा अहिले कोरोनाको ‘भारतीय भेरियन्ट’ फैलिरहेको छ । भारतमा फैलिएको कोरोना भाइरसको प्रभाव सार्क राष्ट्रका देशहरुमा समेत पर्ने अन्य देशको बुझाइ छ ।

रेड जोनबाट यात्रा गर्नुपरे यी नियम पालन गर्नुपर्छ

यात्रामा प्रतिबन्ध
रेड जोनमा परेका देशसँग चार्टर उडानमार्फत मात्र आवतजावत
अति आवश्यक परेर यात्रा गर्नुपरे अन्तर्राष्ट्रिय मान्यता प्राप्त अस्पतालबाट कोरोना परिक्षण
यात्रा गर्न व्यक्तिका हकमा सम्बन्धित देशले तयको गरेको स्वास्थ्य मापदण्डअनुसार क्वारेन्टाइन अनिवार्य
यात्रा गर्न व्यक्तिले कोरोनाविरुद्धको खोप समेत अनिवार्य लगाएको हुनुपर्ने
कोरोना नेगेटिभ भएको ४८ घण्टाभित्र यात्रा गरिसक्नु पर्छ
औषधि आयात र नियार्तमा खुल्ला ।

प्रकाशित मिति: सोमबार, वैशाख २७, २०७८ १०:०४