आधार कार्ड नहुँदा भारतमा नेपाली संक्रमितलाई उपचारमा समस्या छ, हामी मिलाउँदै छौँ : राजदूत आचार्य (अन्तर्वार्ता)

आधार कार्ड नहुँदा भारतमा नेपाली संक्रमितलाई उपचारमा समस्या छ, हामी मिलाउँदै छौँ : राजदूत आचार्य (अन्तर्वार्ता)

A+ A A-

काेभिड-१९ काे नयाँ भेरियन्टकाे तीब्र संक्रमणले भारतमा भयावह स्थिति उत्पन्न भएकाे छ । दैनिक तीन लाखभन्दा धेरै संक्रमित भइरहेका छन् भने हजाराैँकाे मृत्यु भइरहेकाे छ । भारतमा रहेका नेपाली नागरिककाे स्थिति पनि दर्दनाक छ । नयाँ दिल्लीमा ३ हजारभन्दा धेरै नेपाली संक्रमित भई उपचार गराइरहेका छन् भने २५ भन्दा धेरैकाे ज्यान गइसकेकाे छ । दिल्ली र मुम्बईका ३० हजारभन्दा धेरै नेपाली उच्च जाेखिममा छन् । भारतभर रहेका झण्डै ६० हजार नेपालीले स्वदेश फर्किन चाहेकाे नेपाली दूतावासका अधिकारीहरू बताउँछन् ।

भारतमा कोरोनाका कारण समस्यामा परेका नेपालीको अवस्था र उनीहरूकाे उद्दारबारे शिलापत्रकर्मी रमेश भारतीले नयाँ दिल्लीस्थित नेपाली राजदूत नीलाम्बर आचार्यसँग संवाद गरेका छन् ।

अहिलेकाे कोरोना महामारीमा भारतमा रहेका नेपालीको अवस्था के छ ?

राजधानी नयाँदिल्ली र अर्को शहर मुम्बईमा धेरै नेपाली कोरोना संक्रमित छन् । दूतावासले भारतको स्वास्थ्य क्षेत्र हेर्ने सम्बन्धित पक्षसँग तथ्यांकमा मागिरहेको छ ।

नेपाली दूतावासमा कोरोनाका कारण हालसम्म २५ जनाको निधन भएको तथ्यांक छ । तर, त्यो तथ्यांकभन्दा धेरै हुन सक्छ । हामीसँग भएको तथ्यांक अपूरो छ । त्यही भएर सबैतिरबाट तथ्यांक संकलन गर्ने काम भइरहेको छ ।

भारतमा ठूलो संख्या नेपालीहरू अध्ययन, रोजगारी र अन्य पेसा व्यवसाय गर्दै आएका छन् । प्रायः ठूला शहरमा नेपाली छन् । जसका कारण यति नै कोरोना संक्रमित छन् भनेर तथ्यांक संकलन गर्न समस्या भइरहेको छ ।

भारतमा १५ लाखभन्दा धेरे नेपाली रहेको दूतावासको अनुमान छ । जसमा ५ लाखभन्दा धेरै अहिले स्वदेश गइसके । बाहिर हल्ला भएजस्तो ठूलो समस्या छैन । महामारीका बेला समस्या त हुन्छ तर दूतावासले सकेसम्म समाधानको प्रयास गरिरहेको छ ।

संक्रमित नेपालीलाई दूतावासले कसरी सहयोग गरिरहेको छ ?

भारतमा रहेका नेपालीहरू कोरोना संक्रमणको त्रासमा छन् । कोरोना संक्रमण र त्रास भारतमा मात्र होइन, विश्वभर छ । यो अवस्थामा व्यक्ति स्वयं सुरक्षित बस्नुपर्छ ।

भारतमा रहेका नेपालीलाई कोरोनाबाट बच्न स्वास्थ्य मापदण्ड अपनाउन दूतावासले आग्रह गरिरहेको छ । भारतमा रोजगारी, अध्ययन र अन्य विभिन्न पेसा व्यवसाय गर्दै आएका केही नेपालीहरू संक्रमित पनि भएका छन् । उनीहरू भारतका विभिन्न अस्पतालमा उपचाररत छन् । भारतमा यति नै नेपाली कोरोना संक्रमित छन् भन्ने यकिन वितरण छैन ।

दूतावासले भारतमा रहेका नेपालीहरूको हटलाइन फोनबाट कोरोना संक्रमित र समस्याबारे विवरण लिने गरेको छ । भारतभर धेरै नेपाली कोरोना संक्रमित भइसकेका छन् । समस्या परेकालाई दूतावासले सहयोग गर्दै आएको छ ।

दूतावासले याे महामारीमा नेपाली नागरिकका लागि अविभावककाे भूमिका निर्वाह गरेन भन्ने आरोप छ । के भन्नुहुन्छ ?

कोरोना महामारी घर फर्किनु र फर्काउनु समस्याको समाधान होइन । यो बेला दिनहुँ महामारी फैलिँदै छ । घर फर्किँदा संक्रमण सर्ने र फैलिने जोखिम उति नै रहन्छ । यो विषयमा दूतावासले जानकारीसमेत गराउँदै आएको छ ।

सकभर घर नगइदिनुस् भनेर दूतावासले आग्रह गरिरहेको छ । घर फर्किँदा बाटोमै कोरोना सर्नसक्ने विषयमा दूतावासले सचेत समेत गराउँदै छ । नेपाल फर्किनेहरूको चाप अघिल्लो वर्षको जति नभए पनि कोभिडको खतरा अहिले बढिरहेको छ । जसका कारण केही दिन भारतमै बस्न दूतावासले आग्रह गरिरहेको हो । दूतावासले भारतमा रहेका नेपालीहरूको समस्यामा केन्द्रित भएर चौबिसै घण्टा काम गरिरहेको छ । समस्या सुनेर समाधानका लागि तत्काल प्रयास समेत गरिरहेको छ ।

अब तपाईं नै भन्नुहोस् दूतावासले कसरी अविभावकको भूमिका निर्वाह गर्न सकेको छैन ? भारतका धेरै शहरमा नेपाली छरिएर बसेका छन् । जसका कारण केही समस्या सम्बोधन गर्न ढिलाइ भएको होला । तर, दूतावासले भारतका सम्बद्ध पक्षलाई कोरोना महामारी भर समस्यामा परेका नेपालीलाई खान बस्नको व्यवस्था गर्नसमेत आग्रह गरिरहेको छ । जसका कारण समस्या समाधान हुँदै छ ।

अलपत्र परेका नेपालीहरू व्यवस्थापन कसरी गर्दै हुनुहुन्छ ?

समस्यामा परेका नेपालीबारे दूतावासले तत्काल सम्बन्धित पक्षसँग छलफल गर्छ । भारतमा बस्न सक्ने अवस्था नभएकाहरूलाई विभिन्न संघसंस्थासँग मिलेर दूतावासले घर पठाइरहेकाे पनि छ ।

अघिल्लो सातासम्म दैनिक चार हजारभन्दा धेरै नेपाली स्वदेश फर्किएका थिए । हाल दैनिक तीन हजारभन्दा धेरै फर्किरहेका छन् । कोरोना महामारीमा घर फर्किनेका हकमा सीमानाका र यात्रामा समस्या भएको छैन ।

कोरोना संक्रमितले उपचार गर्न समस्या भएकाे बताइरहेका छन् । कसरी समन्वयन गर्नुभएकाे छ ?

दूतावासले कोरोना संक्रमितलाई उपचारका लागि अस्पतालसँग समन्वयसमेत गरिरहेको छ । संक्रमितको अवस्था हेरेर भारतका सम्बन्धित पक्षसँग सहयोग मागेका छाैँ । उपचारका लागि आग्रह गरिरहेका छौँ ।

नेपालीसँग आधार कार्ड नभएका कारण उपचारमा केही समस्या भइरहेको छ । तर, उनीहरूसँग भएको परिचयपत्रका आधारमा उपचार गर्ने व्यवस्था दूतावासले मिलाउँदै छ ।

कोरोना पोजिटिभ देखिएका नेपालीलाई सामान्य अवस्था भए घरमै बसेर उपचार गर्न दूतावासले आग्रह गर्दै आएको छ भने जटिल बिरामीका हकमा अस्पतालसँग सहयोग मागेर उपचार गराउने काम भइरहेको छ । संक्रमतिलाई उपचारसँगै अस्पताल भर्नामा समस्या भए आवश्यक समन्वय गरेका छाैँ ।

प्रकाशित मिति: शुक्रबार, वैशाख २४, २०७८ २१:२४

रमेश भारती

प्रतिक्रिया दिनुहोस्

भर्खरै

सहकारी प्रकरणको संसदीय समितिको टीओआर बनाउन कार्यदल गठन

‘कालोकालो कपालमा खैरो...’ मा प्रियंका र गम्भिरको रोमान्स

बाँकेको जमुनाहा नाका दुई दिन बन्द हुने

गाउँबस्तीमा डुल्दै गीत सुनाउने न्यून दृष्टियुक्त दम्पती

सत्ता पक्ष र कांग्रेसबीच संसदीय छानबिन समिति बनाउने सहमति, टीओआर टुंगिन बाँकी

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

विचार

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित